Шалти ĕçсен министерствин «Вурнарский» пайĕнче пĕлтĕр шута илнĕ преступленисенчен çурри майлă ÿсĕрле тунисем. Нумай чухне эрехпе ăса минретни саккуна пăсма «хĕтĕр-текен» сăлтав пулса тăрать. Алкоголь продукцийĕн саккунсăр суту-илĕвне чарасси çавăнпа ĕнтĕ полици ĕçĕнче тĕп тĕллевсенчен пĕри.

Пахалăхсăр, сывлăхшăн хăрушă спиртлă шĕвексене сутнă пирки пĕлтĕр районта тăхăр преступлени çырăннă. Саккунсăр суту-илÿпе çыхланнисем çакăншăн уголовлă статьяпа явап тытаççĕ. Административлă право йĕркине пăснисем те «Вурнарский» пай асăрхавĕнчи икĕ районпа – 52.

Киревсĕр ĕçсене асăрхаттарас тĕллевпе ирттернĕ мероприятисем вăхăтĕнче административлă йĕркене уяман тĕслĕхсене пĕтĕмпе 2254 (2,5 процент ытларах) палăртнă, хамăр районпа – 1491. Хăшĕсем штрафсене вăхăтра тÿлессинчен пăрăннă – вĕсем тĕлĕшпе каллех 175 административлă протокол çырма тивнĕ.

Ирина ЯКОВЛЕВА.