Иртнĕ çул район прокуратурине граждансемпе юридици сăпачĕсенчен 389 пĕлтерÿ (виçĕмçулхинчен 44 сахалрах) килнĕ.

Прокуратура 2018 çулта пĕтĕмпе 401 ыйту пăхса тухса 297-шне татса панă, 96-шне ытти ведомствăсене янă, татса памалли сведенисем çуккине кура 8-шне заявительсене каялла тавăрнă. Тĕрĕслевре пулнă ыйтусенчен ытларахăшĕ – пурнăçлав производствин (20), çурт-йĕрпе коммуналлă хуçалăх (20), çурт-йĕр (16), çĕр (13) саккунĕсене пăхăнассипе тата çула çитменнисен прависене хÿтĕлессипе (13) çыхăннисем.

Татса панă 297 пĕлтерÿрен прокуратура 62-шне тивĕçтернĕ. Вĕсем тăрăх ирттернĕ ĕç кăтартăвĕсем çакăн пек: 51 представлени, суда янă 4 тавăç, административлă йĕркепе пуçарнă 14 ĕç.

Район çыннисене пĕлме: граждансен ыйтăвĕсене пăхса тухмалли йĕркене пăсни çинчен пĕлтернисене 2-54-04, 2-69-75, 2-75-38 номерсемпе 9-тан 18 сехетчен ĕç кунĕсенче йышăнаççĕ. Чăннипех те саккунсене уяманни çинчен сведенисем пур пĕлтерÿсемпе прокуратура тĕрĕслевсем пуçарать, тивĕçлĕ мерăсем йышăнать.