Раççейре палăртнă Театр çулталăкне культура учреждени-йĕсем çеç мар, вĕрентÿ организа-цийĕсем те хапăлласа йышăнчĕç.

Воспитани парас ĕçре ÿнерĕн ку тĕсĕ пысăк вырăн йышăннине палăртаççĕ Калининăри вăтам шкулта. Çак кунсенче Театр çулталăкне кунта анлă çул панă.

Театр, тĕрĕссипе, тĕрлĕ искусствăсене пĕрлештерет: литературăна, музыкăна, хореографие, вокала тата ыттине те. Çакна шута илнĕ те мероприятие йĕркелекенсем. Кашни класс пĕр-пĕр юрра театрализациленĕ. Чылайăшĕ патриотизм туйăмĕллĕ пулни пĕлтерĕшлĕ. 3-мĕшсем, акă, класĕпе çар тумĕпе пулнă. Раççей, çар хăвачĕ пирки инсценировкăсем лартнă.

– Кашни номер ачасен тавракурăмĕ, шухăшĕ анлă пулнине çирĕплетрĕ. Уява хатĕрленсе вĕренекенсем те, вĕрентекенсем те нумай ĕç турĕç, – терĕ шкул директорĕ Татьяна Павловна Ефимова.

Светлана ЧИКМЯКОВА.