Чăваш ен Патшалăх Канашĕн черетлĕ 27-мĕш сессийĕнче Патшалăх Канашĕн Председательне суйланă.

Спикер должноçне йышăнма тăватă кандидатура сĕннĕ – кашни фракцирен пĕрер. «Пĕрлĕхлĕ Раççей» Альбина Егорова кандидатурине партин регионти уйрăмĕн конференцийĕнче ырланă – çав форума хутшăннă 105 çынран 99-шĕ уншăн сасăланă. Альбина Егорова, парламентарисем умĕнче сăмах илнĕ май, хăй пĕлтĕрхи октябрь уйăхĕн варринчен тытăнса Председатель тивĕçĕсене пурнăçланине, спикер заместителĕ тата комитет председателĕ пулнине кура парламент ĕçне лайăхлатмалли чылай çĕнĕлĕхе ĕçе кĕртнине палăртнă. Депутатсенчен кĕтнине тÿрре кăларас енĕпе çине тăрса ĕçлеме шантарнă.