Мĕн акатăн – çавă шăтать, теççĕ. Раççей ял хуçалăх центрĕн Вăрнар районĕнчи уйрăмĕн пуçлăхĕ Вячеслав Алексеев пĕлтернĕ тăрăх, нарăс уйăхĕн 19-мĕшĕ тĕлне тĕрĕсленĕ тĕш тырăсемпе пăрçа йышши культурăсен 85 проценчĕ ака стандартне тивĕçтерет.

Тыррăн шăтаслăхĕ лайăх, анчах та хăшпĕр хуçалăхсен вăрлăха çÿпĕрен тасатассипе ĕçлемелли пур-ха. Районĕпе илсен, тырра ака стандартне тивĕçтерес тесе 12 звено тăрăшать.

Ял хуçалăх организацийĕсенчен пĕри – «Юнтапа» кооператив – хальлĕхе акмалли вăрлăха тĕрĕслеттереймен.

Елена ПОРФИРЬЕВА.