РФ Ĕç кодексĕн 133-мĕш статйипе килĕшÿллĕн, ĕç вăхăтне тата ĕç тивĕçĕсен нормисене тултарнă работниксен уйăхри шалăвĕ ĕç тÿлевĕн чи пĕчĕк виçинчен сахалрах пулма пултараймасть. Федераллă саккунпа палăртнă тăрăх, кăçалхи январĕн 1-мĕшĕнчен ĕç тÿлевĕн чи пĕчĕк виçине 11280 тенкĕ тесе çирĕплетнĕ. Кăçалхи январĕн 1-мĕшĕнчен тытăнса тата малашне çулсерен январĕн 1-мĕшĕнчен ĕç тÿлевĕн чи пĕчĕк виçине федераллă саккунпа Раççей Федерацийĕнчи пурăнма кирлĕ минимумăн унчченхи çулăн иккĕмĕш кварталĕнчи виçи чухлĕ палăртаççĕ. Енчен те ку кăтарту тата маларахри çулхи иккĕмĕш кварталтинчен пĕчĕкрех пулсан, ĕç тÿлевĕн виçи унчченхи çулхи январĕн 1-мĕшĕнче çирĕплетнĕ пек юлать.

А.СОРОКИН,

Вăрнар район прокурорĕн помощникĕ.