Раççей Шалти ĕçсен министерствин Чăваш енри транспорт çинчи линейнăй пайĕ «Суту-илÿ» профилактика операцийĕ йĕркипе рейдсем ирттерет.

Çав шутра – чукун çул вокзалĕсемпе платформисенче, юханшыв порчĕсенче, пассажир поезчĕсенче. Уйрăм тĕрĕслевре – поездсенчи вакун-ресторансенче алкогольлĕ шĕвексене сутнин саккунлăхĕ. Транспорт объекчĕсенче çула çитменнисене эрех-сăра е сигарет саккунсăр сутнă тĕслĕхсене палăртассипе те ĕçлеççĕ. Кăçал транспорт полицийĕн сотрудникĕсем саккунсăр суту-илÿ тĕлĕшпе 3 протокол çырнă.

Транспорт полицейскийĕсем вокзалсемпе перронсенче, поездсенче саккунсăр сутакансенчен апат-çимĕç туяннин хăрушлăхне те асăрхаттараççĕ. Вĕсене пула хырăм пăсăлни, инфекци чирĕсем ерни те сайра мар.

Транспорт объекчĕсенчи саккунсăр суту-илÿ пирки линейнăй пай дежурнăй чаçне 39-18-94 номерпе е «шанăç» телефонĕпе (88312448585) шăнкăравлама ыйтатпăр.

«Суту-илÿ» операци мартăн 19-мĕшĕччен пырать.

Кристина ХОРУШ,

транспорт çинчи линейнăй пай инспекторĕ

шалти служба лейтенанчĕ.