Ярмушкари вăтам шкулта Чăваш чĕлхи эрни иртрĕ.

Ăна халалласа Валентина Ильина вĕрентекен ертсе пынипе кашни класс чăвашла пьесăсем лартрĕ.

Асра юлмалли вара – «Шкулти чăваш пики» конкурс. Тупăшăва 7 хĕр тухрĕ. Пĕри тепринчен ăста та маттур. Жюри членĕсене çĕнтерÿçĕ хĕре палăртма çăмăл пулмарĕ. Çавах та чи нумай балл пуçтарнă Людмила Васильевана (8-мĕш класс) çĕнтерÿçĕ пулса тăнă ятпа саламларĕç.

Тупăшăва хутшăннă ытти хĕрачасенчен кашниех хăйне тивĕçлĕ ята илме пултарчĕ. Чи кĕçĕнни, 13 çулти Кристина Алексеева – хÿхĕм хĕр, Кристина Шумилова – ăста, Кристина Павлова – илемлĕ, Камелия Кроткова – пултаруллă, Анна Васильева – сăпайлă, Анастасия Лаврентьева – тавçăруллă ятсене тивĕçрĕç. Ертÿçĕсем те, Эвелина Отрывановăпа Ксения Кузьмина, маттур пулчĕç. Кашни номере чăвашла пĕлтерчĕç. Жюри членĕсем – Лиана Григорьева, Нина Терентьева, Наталия Сорокина – уяв эрни шкулта çÿллĕ шайра иртнине палăртрĕç.

Лиана ГРИГОРЬЕВА.