Республика кунĕнче Чăваш енри чи маттур ĕç çыннисене патшалăх наградисемпе чысланă.

Пысăк чыса тивĕçнĕ тĕрлĕ отрасль ĕçченĕсене саламланă май, Чăваш ен Пуçлăхĕ Михаил Игнатьев пухăннисене ырми-канми ĕçшĕн, республикăн пĕтĕмĕшле аталанăвне тÿпе хывнăшăн тав тунă.

Уяв кунĕнче тĕрлĕ шайри наградăсене пĕтĕмпе 49-ăн илнĕ. Вăл шутра – Вăрнар район çыннисем те. Районти централизациленĕ клуб системин халăх хорĕн хормейстерне Валерий Николаевич Шакртова «Чăваш Республикин культурăн тава тивĕçлĕ ĕçченĕ», Аçăмçырминчи вăтам шкул учительне Владимир Георгиевич Петрова «Чăваш Республикин пĕтĕмĕшле вĕрентĕвĕн тава тивĕçлĕ ĕçченĕ», «Август» Фирмăн «Вăрнарти хутăш препаратсен завочĕ» филиалĕн директорĕн логистика енĕпе ĕçлекен заместительне Дмитрий Анатольевич Обухова «Чăваш Республикин промышленноçăн тава тивĕçлĕ ĕçченĕ» хисеплĕ ятсене илнĕ ятпа чысланă.