Вăрнарти ведомствăна пăхăнман хурал уйрăмĕн ушкăнĕ кунсеренех поселокри йĕркелĕх сыхлавĕнче.

Вĕсем саккуна пăсакансене тытса чарма хутшăнни те сайра мар. Июлĕн 14-мĕшĕнче пулнă тĕслĕхе илер. «Хурал уйрăмне «Вурнарский» пайăн дежурнăй чаçĕнчен ориентировка килнĕ. Советски урамĕнчи лавккаран уççăнах тавар вăрланă-мĕн. Киревсĕр ĕçе тума пултарнă арçыннăн уйрăм паллисене те пĕлтернĕ. Çакă ăна хăвăртах тупма пулăшнă. Арçын инçех каяйман: ведомствăна пăхăнман хурал сотрудникĕсем вăрра лавккаран темиçе метрта ярса илнĕ. Вăл – 32-ри арçын, поселокра пурăнаканскер, унччен те судпа айăпланнăскер. Ăна полицин «Вурнарский» пайне илсе килнĕ. Уголовлă ĕç пуçарасси пирки ыйту тăрать», – пĕлтерет Росгвардин Чăваш Республикинчи управленийĕн пресс-служби.

Ирина ЯКОВЛЕВА.