Çулталăк пуçланнăранпа халăха ĕçпе тивĕçтерекен центра ĕç шыраса 663 çын пынă, вĕсенчен 645-не ĕçлĕ пулма пулăшнă.

Июлĕн 1-мĕшĕ тĕлне ĕçсĕр тесе регистрациленнĕ граждансем 98-ăн. Вăл шутран хĕрарăмсем – 41, 16–29 çулсенчи çамрăксем – 12, предприяти-организацисенчен кайма тивнисем – 16, харпăр хăй ирĕкĕпе ĕç пăрахнисем – 53, пенси умĕнхи çынсем – 24. Учетра тăракансенчен 16-шĕ аслă пĕлÿ илнисем.

Вăрнарти ĕçлев центрĕ паян предприяти-организацисенче 514 ĕç вырăнĕ сĕнет. Ытларахăшĕ – ял хуçалăхĕнче, строительствăра, суту-илÿре, сывлăх сыхлавĕнче тата вĕрентÿре.

Çур çулта 573 çынна професси ориентацийĕ енĕпе пулăшу панă. Центр урлă 46 çынна вĕренме янă: хуралçăна, газ оборудованине юсакан слесаре, электромонтера, ПЭВМ операторне, тракториста.

Светлана ЧИКМЯКОВА.