Вырăнти хăйтытăмлăх органĕнче ĕçлекенсем халăхпа тачă çыхăнса тăрăшнине тĕрлĕ ĕçсем кăтартса параççĕ. Вăл шутра – професси конкурсĕсем те.

Августра, акă, «Вăрнар районĕн чи лайăх муниципаллă служащийĕ» конкурса пĕтĕмлетнĕ. Ăна çулсерен муниципаллă служба ят-сумне ÿстерес, муниципаллă управленин мал опытне сарас тĕллевпе ирттереççĕ.

Конкурса пĕтĕмпе 15 çын хутшăннă. «Вăрнар районĕн чи лайăх муниципаллă служащийĕ» номинаци çĕнтерÿçи – район администрацийĕн финанс пайĕн пуçлăхĕн заместителĕ Ольга Семенова. Призерĕсем – ЗАГС пайĕн тĕп специалист-эксперчĕ Марина Тихонова тата ял хуçалăх пайĕн тĕп специалист-эксперчĕ Надежда Никифорова.

«Ял-хула поселенийĕн чи лайăх муниципаллă служащийĕ» номинацире Кĕçĕн Кипек ял тăрăхĕн тĕп специалист-эксперчĕ Надежда Никишова çĕнтернĕ. Çавăн пекех ку ушкăнра Уйкас Кипекри ял тата Вăрнар хула поселенийĕсенче тăрăшакансен Надежда Шоркинан тата Вячеслав Петровăн ĕçĕсене те пысăк хак панă.

Светлана ЧИКМЯКОВА.