Виçĕмкун Симферополь хулинче Чăваш Республикин культура кунĕсем уçăлнă. Мероприяти Крымри М.Горький ячĕллĕ вырăс академи драма театрĕнче иртнĕ.

Çак мероприятие Крым çĕрĕ çинче ирттерни халăх туслăхне çирĕплетес, музыка искусствине популяризацилес ĕçре пысăк вырăн йышăнать. Вăл нацисем хушшинчи хутшăнусемпе культура йăлисене аталантарать. Çапла палăртнă Крым Республикин культура министрĕн заместителĕ Татьяна Манежина.

Чăваш ен культура министрĕ Константин Яковлев Чăваш автономи облаçне туса хунăранпа 100 çул çитнине халалланă мероприятисем шăпах Крымра старт илнишĕн савăннине пĕлтернĕ. Крымри уява Чăваш патшалăх академи юрăпа ташă ансамблĕ, Чăваш патшалăх академи капеллин симфони оркестрĕ хутшăннă. Крымри Чăваш ен культурин кунĕсем йĕркипе икĕ регион хушшинче пĕрлешсе ĕçлесси пирки килĕшĕве алă пуснă.