Чăваш ен Пуçлăхĕ Михаил Игнатьев Чăваш автономи облаçне туса хунăранпа 100 çул çитнĕ ятпа ятарлă медаль кăларасси çинчен Указа алă пуснă. Ку медаль патшалăх награди шутланмасть, унпа республикăн социаллă пурнăçĕпе экономика аталанăвне, халăха патриотла тата ăс-хакăлпа кăмăл-сипет тĕлĕшĕнчен тивĕçлĕ воспитани парас ĕçе сумлă тÿпе хывнă çынсене хавхалантараççĕ.
