Районта пĕчĕк тата вăтам предпринимательлĕхĕн 673 субъекчĕ тĕрлĕрен ĕç-хĕлпе тимлет.

Вĕсен ÿсĕмлĕ аталанăвĕ пĕтĕм шайри бюджетсене кĕрекен налуксен виçине пысăклатма, халăха ĕç вырăнĕсемпе ытларах тивĕçтерме, туса кăларакан продукцин, ĕçсемпе тивĕçтерÿсен калăпăшне анлăлатма май парать.

Сăмахран, пĕчĕк тата вăтам предпринимательлĕх тытăмĕнче вăй хуракансем октябрĕн 1-мĕшĕ тĕлне – 3968 çын (çакă район экономикинче ĕçлекенсен мĕнпур хисепĕн 40,1 проценчĕ).

Кăçалхи тăхăр уйăхра пĕчĕк предпринимательлĕх шутне кĕмен организацисен ваккăн суту-илÿ çаврăнăшĕ 625,9 млн тенкĕпе танлашнă, обществăлла апатлану çаврăнăшĕ – 36,6 млн тенкĕ.

Ирина ЯКОВЛЕВА.