Пурнăç хаклăрах

Категория: ПУБЛИКАЦИИ Опубликовано: 20.07.2019, 16:41 Просмотров: 1208

Чăваш енри ГИБДД управленийĕ пĕлтернĕ тăрăх, çулталăк пуçланнăранпа мотоблоксем хутшăннипе республикăри çулсем çинче 11 авари çырăннă.

Вĕсенче пиллĕкĕн ÿт-пĕвне суранлатнă, пĕр çын пурнăçĕ сарăмсăр татăлнă. Йĕркене пăсни ахаль иртмест – мотоблокпа пынă 52 çынна административлă явап тыттарнă.

Иртнĕ шăматкун, акă, Муркаш районĕнче 38-ти арçын мотоблок управленине çухатнă та ун çинчен ÿкнĕ. Самаях аманнă арçынна больницăна леçнĕ: унăн пуç мими чĕтреннĕ, çурăм шăммин мăй пайĕ хуçăлнă. Шел те, ку ытларикун пулнă инкек тата хăрушăрах. Елчĕк районĕнче «Ниссан – Кашкай» автомашина мотоблок çине кĕрсе кайнă. Мотоблока тытса пынă 40-ри арçын çул çинчех вилсе кайнă.

Çавăнпа та, хăвăрăн тата çывăх çынсен сывлăхĕ хаклине асра тытса, мотоблокпа çав тери тимлĕ усă курмалла. ГИБДД ĕçченĕсем асăрхаттараççĕ: прицеп пулсан та мотоблок транспорт хатĕрĕ шутланмасть, пурте усă куракан çулсем çине вĕсемпе тухма юрамасть. Ку транспорт ял хуçалăх ĕçĕсем валли. Пĕр-пĕр ĕç пурнăçламалли вырăна мотоблока урăх транспорт хатĕрĕпе куçармалла – хăйĕн «уттипе» мар.

Çул-йĕр правилисене уяман мотоблок хуçисене административлă явап тыттараççĕ.

Ирина ЯКОВЛЕВА.

Добавить комментарий

АРХИВ МАТЕРИАЛОВ

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

КАЛЕНДАРЬ ПРАЗДНИКОВ

Яндекс.Метрика