Пĕтĕм тĕнчери бронза призерсем

Категория: ПУБЛИКАЦИИ Опубликовано: 03.04.2021, 09:56 Просмотров: 429

Вăрнарти «Химик» спорт клубĕн футбол командисем Пĕтĕм тĕнчери «Весенний Петербург – 2021» турниртан чаплă результатсемпе таврăннă.

«Химик-Августăн» 2009 çулта çуралнисене пĕрлештерекен командишĕн вăл уйрăмах хĕрÿ иртнĕ. Ку ÿсĕмре пĕтĕмпе 20 команда тупăшнă. Соперникĕсем Санкт-Петербургран, Мускавран, Владимиртан, Тюменьтен, Иркутскран, ытти пысăк хуласенчен.

Вăрнарсем хăйсен ушкăнĕнче çĕнтерсе çурмафинала тухнă. Унта Санкт-Петербургри Красносельски районĕн спорт шкулне 1:2 шутпа выляса янă.

Финалта 3-мĕш вырăншăн уйрăмах пĕтĕçсе вылянă вĕсем: çурçĕр тĕп хулинчи «Северный Пресс» командăна 3:0 шутпа парăнтарнă, бронза призер пулса тăнă.

2007 çулта çуралнисем те çĕнтерÿшĕн вăйлă кĕрешнĕ. Шел те, призлă вырăна лекеймен, 4-мĕш йĕркене йышăннă. Анчах та «Химик-Август» çурмафинала, финала тухма пултарнă.

Савăнтаракан хыпар – Вăрнар ачисем: Николай Филиппов «Чи лайăх хÿтĕлевçĕ», Никита Степанов «Чи лайăх вратарь» ятсене тивĕçнĕ.

Футбол турнирĕ хыççăн çамрăксем Санкт-Петербургри паллă вырăнсенче те пулнă.

Людмила ИВАНОВА.  

Добавить комментарий

АРХИВ МАТЕРИАЛОВ

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

КАЛЕНДАРЬ ПРАЗДНИКОВ

Яндекс.Метрика