51-ри арçыннăн çаратнăшăн, ют пурлăха уççăнах вăрланăшăн (РФ Уголовлă кодексĕн 161-мĕш статйин 1-мĕш пайĕпе) суд умне тăма тивнĕ.
Уголовлă ĕçпе патшалăх айăплавне Вăрнар район прокуратури йĕркелесе пынă. Суд палăртнă тăрăх, кăçалхи августăн 7-мĕшĕнче ку гражданин, ÿсĕрле пĕр лавккана пырса кĕнĕ. Пĕр литрлă эрех кĕленчине уççăнах йăтса тухнă та тарса çухалнă. Вăрнар район сучĕн йышăнăвĕпе арçынна обязательнăй майпа ĕçлеттерме палăртнă – пĕтĕмпе 120 сехет.
С.УФУКОВ,
Вăрнар район прокурорĕн помощникĕ.
