Республикăра «Земство тренерĕ» конкурса хутшăнас кăмăллă çынсене суйласа илмелли тапхăр пуçланни çинчен пĕлтернĕ.

Вăл физкультурăпа спорт сферин специалисчĕсене 50 пин таран çын пурăнакан ял-хулара ĕçлемешкĕн явăçтарма пулăшĕ. Конкурс çĕнтерÿçисем 1 миллион тенкĕпе танлашакан саплаштару тÿлевне илĕç. Çак укçана пĕр хут параççĕ, унпа тренер хăйне кирлĕ пек усă курать.

Конкурса физкультурăпа спорт енĕпе аслă е вăтам професси пĕлĕвĕ илнĕ çынсем, профильлĕ вĕрентÿ организацийĕсен юлашки курсĕн студенчĕсем хутшăнма пултараççĕ. Çакăн пек услови пур: конкурс çĕнтерÿçисен физкультурăпа спорт организацийĕсемпе 5 çултан кая мар вăхăтлăха тулли ĕç кунĕпе вăй хумалли ĕç килĕшĕвĕ тумалла.