Раççей Шалти ĕçсен министерствин Чăваш енри транспорт çинчи линейнăй пайĕн асăрхавĕнчи участокра «Суту-илÿ» профилактика мероприятийĕн пĕрремĕш тапхăрĕ вĕçленнĕ.

Тĕрĕслевсем вăхăтĕнче сотрудниксем хăшпĕр тавара сутмалли правилăсене пăснă 14 тĕслĕхе шута илнĕ. Айăплисен административлă явап тытма тивет. РФ КоАП-ĕн 14.15-мĕш статйипе вĕсене асăрхаттару пама е 300–1500 тенкĕ штраф хума пăхнă.

Транспорт полицийĕн ĕçченĕсем граждансене чукун çул вокзалĕсенче, перронсемпе поездсенче саккунсăр сутуçăсенчен апат-çимĕç туянассинчен сыхланма сĕнеççĕ. Пахалăхĕ иккĕленÿллĕ продукцие пула наркăмăшланасси те, вар-хырăм чирĕсем ересси те пулма пултарĕ.

Транспорт çинчи саккунсăр суту-илĕве асăрхасан полици сотрудникĕсем дежурнăй чаçа 39-18-94 номерпе е «шанăç» телефонĕпе (8(831)244-85-85) шăнкăравлама ыйтаççĕ.