Шăматкун Вăрнарти чукун çул станцийĕнче черетлĕ курав ĕçлеме тытăннă.
Вăрнарти историпе краеведени музейĕ пуçарнă «Хăнасене тарават вокзал» проект йĕркипе кунта Канашри художникăн Геннадий Захаровăн ĕçĕсем вырăн тупнă. Ÿнер ĕçĕсенче пирĕн тăрăхри çутçанталăка сăнланă.
Музей ку художникпа нумай çул тачă çыхăну тытать. Курава тăратнă ĕçсене Геннадий Захаров культура учрежденине яланлăх парнеленĕ.
«Хăнасене тарават вокзал» проект Вăрнар çыннисене килĕшет. Ку курав ентешсене сентябрь вĕçĕччен савăнтарать.
