Çĕнĕ вĕренÿ çулĕ пуçланнă май, хушма пĕлÿ паракан учрежденийĕсем те ĕçе тытăнчĕç. «Рассвет» ФСК» ачасемпе çамрăксен спорт шкулĕ, акă, çичĕ çултан аслăрах арçын ачасемпе хĕрачасене спорт секцийĕсене йыхравлать. Кăмăл туртăмне кура кĕçĕннисем çăмăл атлетика, фитнес-аэробика, волейбол, баскетбол, ирĕклĕ кĕрешÿ, бокс, футбол, йывăр атлетика, хоккей, йĕлтĕр спорчĕн тĕсĕсене суйлама пултараççĕ. Ачасемпе çамрăксен спорт шкулĕн секцийĕсене Чăваш Республикин хушма вĕрентÿ навигаторĕн клиент сервисĕ (https,//p21.навигатор.дети) урлă çырăнмалла.