Тĕрлĕ сăлтава пула куç япăх курнипе аптăракансем пурнăç илемне тĕрлĕ мероприятисене хутшăнса туяççĕ.

Нумаях пулмасть, акă, Шупашкарта сăвă вулакансен «Чĕрĕ сăмах» конкурсĕ иртнĕ. Вăрнарти пуçламăш организаци чысне пĕчченшер вулассипе ун председателĕ Галина Мясникова тата Александр Григорьев хÿтĕленĕ. Ушкăнпа – Алина Иванова тата Светлана Буданова, вĕсем иккĕмĕш вырăн йышăннă.

Тупăшу икĕ турпа иртнĕ. Конкурссантсем унта вăхăтпа сăвă тата проза вуланă.

– Çула тухма, куç курманнисен обществин членĕсен пултарулăх ăсталăхне туптама май туса панăшăн районти социаллă тивĕçтерÿ центрĕн директорне Людмила Николаевана тав тăватпăр, – пĕлтерчĕ Галина Мясникова.