Сывлăх çирĕп, ÿт-тир таса пултăр тесен пирĕн организма яланах белок çителĕклĕ кирлĕ. Анчах унăн виçи мĕн чухлĕ пулмалла-ха/

Диетологсен сĕнĕвĕпе спортсменсен тата йывăр ĕçре кун ирттерекен çынсен хăйсен йывăрăшĕн кашни килограмĕ пуçне талăкра пĕр грамм белок çимелле. Çак виçе арçынсемшĕн те, хĕрарăмсемшĕн те çителĕклĕ. Енчен те эсир активлă пурнăçпа пурăнатăр тата спортпа туслă çыхăну тытатăр пулсан талăкри белок нормине ÿстерни вырăнлăрах. Тренировкăсен интенсивлăхĕ пысăк пулсан белок виçи нумайрах продуктпа ытларах усă курма тăрăшмалла. Тĕслĕхрен, пысăк вăй ыйтакан тренировкăсем ирттернĕ чух белокăн талăкри виçи çын йывăрăшĕн кашни килограмĕ пуçне 1,3 – 1,6 грамм пулмалла. Енчен те эсир тренировкăсене начарланас тĕллевпе ирттеретĕр пулсан, сирĕн хăвăр йывăрăшăн кашни килограмĕ пуçне 1,6 – 2 грамм белок çиме тăрăшмалла. Çапла туни калори дефицичĕ вăхăтĕнчех мышцăсене упраса хăварма пулăшать. Кун пек чухне кĕлетке йывăрăшĕ çу хисепĕ чакнипе пĕчĕкленет.

Белоксемпе уйрăмах пуян продуктсем ?100 грамра%:

1. Сыр – 20-32 грамм.

2. Чăхăн тата кăрккан кăкăр ашĕ – 29-31 грамм.

3. Тăпăрчă – 18-23 грамм.

4. Пăрçа йышши культурăсем – 20–23 грамм.

5. Ĕне ашĕ – 21 грамм.

6. Пулă – 14-21 грамм.

7. Мăйăр – 15-21 грамм.

8. Кĕрпесем – 10-15 грамм.

9. Макаронсем – 13 грамм.

10. Çăмарта – 13 грамм.