Чăваш ен правительстви ял хуçалăх отрасльне аталантарма тата 1,2 миллиард тенкĕ уйăрнă, çав шутран - АПК объекчĕсене реконструкцилеме-модернизацилеме 227 млн тенкĕ, ял хуçалăх производствине технологи енчен хăватлăлатма 300 млн тенкĕ, сĕт туса илессипе ĕçлеме 188,8 млн тенкĕ, апат-çимĕç продукчĕсене тирпейлеме оборудовани туянма 126,6 млн тенкĕ, пĕчĕк агробизнеса тĕрев пама 250 миллион тенке яхăн. Кунсăр пуçне муниципаллă округсенчи территорисенче пуçарулăх проекчĕсене пурнăçа кĕртме хушма 795,4 млн тенкĕ уйăрнă. Ĕç калăпăшĕ пысăк. Республикипе кăçал 3,9 млрд тенкĕлĕх 1550 проекта пурнăçламалла.