Чăваш ен Пуçлăхĕ Олег Николаев ертсе пынă Экономика аслă канашĕн ларăвĕнче республикăра пурнăçланакан патшалăх программисенчен виççĕшĕн иртнĕ çулхи кăтартăвĕсене пĕтĕмлетрĕç: IT-техно-логисен, транспорт тытăмĕн тата физкультурăпа спорт аталанăвне.

«Чăваш енĕн цифра обществи» программăн тĕп результачĕсемпе цифра аталанăвĕн министрĕ Михаил Степанов паллаштарчĕ. Регионта массăллă социаллă пĕлтерĕшлĕ мĕнпур тивĕçтерÿсене электронли çине куçарнă. 2025 çулта çынсен 88,2 проценчĕ вĕсене шăпах онлайн мелпе илнĕ.

«Цифра пиçĕлĕхĕ» енĕпе республика Раççей субъекчĕсем хушшинче 21-мĕш вырăнта, Атăлçи федераци округĕнче - 5-мĕшĕнче.

Светлана ЧИКМЯКОВА