«Ĕçкĕпе иртĕхни – хамăр ирĕкпе ухмаха тухни», – тенĕ Гиппократ темиçе ĕмĕр каяллах. Эрех-сăра ĕçни пысăк инкек патне çитерни çинчен пĕрре кăна мар асăрхаттарнă ĕнтĕ. Уйрăмах çула çитмен ачасемпе çамрăксен организмне сиен кÿни каламасăрах паллă. Çамрăксем эрех-сăрапа иртĕхме пуçласан алкоголь чирĕ хăвăрт аталанма пуçлать. Хăйсен ирĕкĕпе е хистенипе тутанса пăхаççĕ вĕсем малтанлăха нимпе те сиенлĕ мар пек туйăнакан шĕвеке. Анчах та «симĕс çĕлен» хăйĕн ытамне çавăрса илнине сиссе те юлаймаççĕ. Çамрăксене йăнăш утăм тăвасран мĕнле сыхламалла-ха/ Çакăн çинчен Вăрнарти полици уйрăмĕн çула çитменнисемпе ĕçлекен инспекцин аслă инспекторĕпе Эльвира ТАТАРОВАПА калаçатпăр.

– Эльвира Геннадьевна, паллă ĕнтĕ, эрех-сăра ĕçни никама та ырри патне çитермест, анчах та çакăнта ачасем те çакланни питех те пăшăрхантарать. Кунта вара аслисен яваплăхĕ çинчен тепĕр хутчен аса илтермеллех.

– Чăнах та, ачасен пурнăçĕпе сывлăхĕшĕн аслисем яваплă. Ашшĕ-амăшĕпе вĕрентекенсен, çывăх çыннисен тимлĕ пулмалла. Ача пурнăçĕпе интересленсех тăмалла. Юлташĕсем камсем/ Ытларах ăçта пулать/ Тыткаларăшĕнче улшăнусем пулмаççĕ-и/

Тĕплĕнрех - хаçатра.