Чăваш ен информполитика минис-трĕн тивĕçĕсене пур-нăçлакан Кристина Майнина патшалăхăн пулăшу ĕçĕсене электронлă мелпе Патшалăх тата муниципалитет тивĕçтерĕвĕсен пĕрлехи порталĕ урлă илес-си меллĕрех пулни çинчен ăнлантарнă.

Пулăшу ĕçĕсен пысăк пайне электронлă мел çине куçарнă ĕнтĕ. Ку список анлăлансах пырĕ, кăçал тата 25 пулăшу ĕçне «цифрăлама» палăртнă. Республикăра паян ку пулăшусемпе ĕçлекен вун-вун центр пур – усă курмашкăн чăрмав çук. Пĕлтĕр вĕсем 2,5 миллион пулăшу кÿнĕ. Çак шутра ытларах – врачсем патне йышăнăва çырăнасси (1,5 миллион тĕслĕх), ĕç тупма пулăшу тата 3–7 çулсенчи ачасемшĕн тÿлев ыйтни.

Хальлĕхе, Кристина Андреевна палăртнă тăрăх, патшалăхăн пулăшу ĕçĕсемпе электронлă майпа тивĕçтерессипе республикăра пурăнакансен 75: усă курать. Ку, ун шучĕпе, чикĕ мар. Хăшпĕр регионта çак виçе 100: та çитнĕ ĕнтĕ, апла-тăк пирĕн те ĕçлемелли пур-ха.