Сентябрĕн 13-мĕшĕнчен пуçласа октябрĕн 12-мĕшĕччен республикăри мĕнпур муниципалитетра ?48 площадкăра% «Кĕр парнисем–2025» канмалли кунхи ярмăрккăсем иртĕç.
Андрей Макушев, Чăваш енĕн вице-премьерĕ тата ял хуçалăх министрĕ, çирĕплетнĕ тăрăх, çак ярмăрккăсене вырăнти фермерсене пулăшас тата республикăра пурăнакансене пахалăхлă ял хуçалăх продукцийĕпе тивĕçтерес тĕлĕшпе уçаççĕ.
Ку площадкăсенче яланхи пекех лавккарисенчен йÿнĕрех хаксем. Фермерсемпе уйрăм хушма хуçалăхсем валли суту-илÿ вырăнĕсене тÿлевсĕрех уйăраççĕ.
Хамăр инф.
Темиçе çул Вăрманкас ялĕнчи Мăн урамри çул шăтăк-путăкчĕ. Машинăсем те çул айăккипе çÿретчĕç. Йĕпе-сапаллă вăхăтра пылчăк çăрăлатчĕ, шăтăк-путăксем шывпа тулатчĕç. Транспорт иртнĕ чухне вăхăтра пăрăнса ĕлкĕреймесен пуç тÿпеки таранах сирпĕтсе хăваратчĕç.
Халĕ вара йăлтах урăхла. Пирĕн урамра çĕнĕ çул сарнă. Пĕр юрăра каланă пек: «Эпир вăййа тухсассăн килет урам илемĕ». Çĕнĕ çулпа пынă чух Кенигсберг хулине лекнĕ пекех туйăнать, чун савăнать.
Хĕвел анса пытансан, пахча-çимĕç шăварсан, выльăх-чĕрлĕх пуçтарсан ял халăхĕ урама тухать. Урам ача-пăча сассипе тулать. Кукамăшĕсем мăнукĕсене çавăртса е ача урапипе тĕксе çĕнĕ çулпа ярăнса утаççĕ. Ял-йыш пуçтарăнса униче енне пăхать, мирлĕ пурнăçа, çутă малашлăха тата çĕршыв хÿтĕлевçисем киле сывă таврăнасса шанать. Çĕнĕ такăр çулпала таврăнччăр пурте Çĕнтерÿпе.
А.ВЕТРОВА
Августăн 21-мĕшĕ маншăн чи хăрушă кун пулчĕ. Эпĕ питĕ хытă аптраса ÿкрĕм. Çак кун дежурствăра пулнă васкавлă медицина пулăшăвĕн ĕçченĕсем мана вилĕмрен çăлса хăварчĕç. Ячĕ-шывĕсене пĕлместĕп пулин те, вĕсене чĕререн пысăк тав сăмахĕ калатăп. Çавăн пекех Вăрнар район больницин реанимаци уйрăмĕнче тăрăшакансем тата терапи уйрăмĕнче вăй хуракан Рена Никоновна Прокопьева заведующипе Анжелика Владимировна Спиридонова терапевт, медсестрасем те ăшă сăмахсене çеç тивĕç. Хăйсен тивĕçĕсене тÿрĕ кăмăлпа пурнăçлаççĕ. Вĕсем тăрăшнипе, пахалăхлă медицина пулăшăвĕ кÿнипе эпĕ ура çине тăтăм. Ман пурнăçа çăлса хăварнă шур халатлă ĕçченсене пурне те чĕререн тав тăватăп, çирĕп сывлăх, пархатарлă ĕçре ăнăçу, чăтăмлăх сунатăп.
Терапи уйрăмĕнчи 7-мĕш палатăра сипленнĕ А.ФЕДОРОВА.
Олег НИКОЛАЕВ,
республика Пуçлăхĕ:
- «Вăрăм та хастар пурнăç» наци проекчĕпе килĕшÿллĕн кăçал республикăра тăхăр çĕнĕ фельдшерпа акушер пункчĕ çĕкленĕ. Çакă ял çыннисене хăйсем пурăнакан вырăнтах диспансеризаци тухма, хăтлă условисенче кирлĕ медицина пулăшăвне илме май парать.
Юлашки пилĕк çулта Президентăн нацпроекчĕсемпе инфраструктурăна самаях лайăхлатнă. 2020-2024 çулсенче яллă вырăнти кашни пиллĕкмĕш больница çуртне çĕнетнĕ тата амбулатори тытăмĕнчи аварийлă тата çĕрĕшнĕ çуртсене икĕ хут чакарнă.
Хăш çемье финанс ăслăлăхĕ çинчен ытларах пĕлет? Е тата укçа-тенке страхласси, ăна инвестицие хывса тупăш илесси пирки? Унсăр пуçне, ултавçăсен схемисене пĕлеççĕ-и, мушенниксен серепине лекесрен сыхă-и? Çак ыйтусем çине Перекетпе инвестицисен çемье фестивалĕ хурав панă.
Унăн муниципаллă тапхăрĕ вырсарникун Вăрнарти тĕп библиотекăра иртнĕ. Тĕрĕссипе вара, конкурс интереслĕ ăмăртăва кăна мар, туслăх, тавракурăмлăх уявне çаврăннине палăртмалла. Округри çемьесем ку хăйнеевĕрлĕ финанс вăййине кăсăклансах, питĕ хастар хутшăннă.
Тĕплĕнрех аçатра.
Ирина ЯКОВЛЕВА
Сентябрь 2025 |
