Промышленноç аталанăвне илес пулсан, Чăваш ен пĕлтерĕшлĕ отрасльсенче тата çул-йĕрте малта пыракан позицисене сыхласа хăварнине палăртмалла. Ку вăл – электротехника, машинăсем тăвас ĕç, хими отраслĕ, станоксем тăвас ĕç. Анчах та паян Раççей Президенчĕ лартнă технологи тĕлĕшĕнчен мала тухассине тивĕçтермелли тĕллеве пурнăçлама çĕнĕ технологи йĕрки çине куçни пĕлтерĕшлĕ. Ку енĕпе çирĕппĕн малалла кайма шанчăклă никĕс йĕркеленĕ. Чăваш ен Пуçлăхĕн указĕпе Наукăпа техника канашне туса хунă, вăл Правительствăн, промышленноç предприятийĕсен, аслă вĕрентÿ заведенийĕсен тата наука организацийĕсен ĕçне прикладной наука енĕпе йĕркелесе пырĕ. Наука тĕпчевĕсене тата сăнавпа конструктор ĕçĕсене пурнăçлама пулăшса пыракан витĕмлĕ инфратытăм пур. Чăваш патшалăх университечĕпе аграри университечĕ «Приоритет-2030» программăна хутшăнаççĕ.