Вăрнарти аш-какай комбиначĕ çĕнĕ çула пысăк çитĕнÿсемпе кĕчĕ. 2024-мĕшĕнче те вăл халăх сĕтелĕ çине пахалăхлă продукци çиттĕр тесе производствăн кашни тапхăрĕнче тухăçлă ĕçлерĕ.

Мухтанма тивĕçлĕ хăшпĕр кăтартусене кăна илер. Пĕлтĕр агрохолдинг Шупашкарта «Санар» сечĕн тата тăватă çĕнĕ лавккине уçнă. Предприятин кăлпасси продукцийĕ «Продэкспо-2024» тата «Ылтăн кĕркунне» куравсенче чи çÿллĕ хаклава тивĕçнĕ. Аш-какай комбиначĕн сысна, кăркка, лаша тата ĕне какайĕнчен хатĕрленĕ консервисене халĕ OZON платформăра та туянма пулать.

Мускаври ВДНХ-ра иртнĕ «Россия» куравра та Вăрнарти аш-какай комбиначĕ хăйне тивĕçлĕ кăтартрĕ, хутшăнусене çирĕплетекен ăнăçлă килĕшÿсем çырчĕ.

Ял хуçалăх çулталăкĕн кăтартăвĕсемпе производствăн пысăк калăпăшĕшĕн предприяти Чăваш Республикин Ял хуçалăх министерствин Дипломне тивĕçнĕ.

Социаллă яваплăха та аван туять агрохолдинг ертÿлĕхĕ. Пĕлтĕр, акă, Курск облаçĕ валли гуманитари пулăшăвне йĕркелес ĕçе хутшăнчĕ. Ятарлă çар операцине хутшăнакан çемьесенчи ĕçченсене, вĕсен ачисене хавхалантарасси йăлана кĕнĕ. Унсăр пуçне - округри вĕренÿ учрежденийĕсемпе те тачă çыхăнура.

Предприятире тимлекенсем спорт мероприятийĕсенче те хастар. Волейбол, йĕлтĕр спорчĕн, çăмăл атлетика ăмăртăвĕсенче вĕсем лайăх кăтартусемпе палăраççĕ.

Паллах, çитĕнÿсене предприяти ертÿлĕхĕпе коллективăн пĕрлехи ĕçĕ хывăннă. Çакна тĕрлĕ наградăсем аван çирĕплетеççĕ. «Вăрнарти аш-какай комбиначĕ» акционерла обществăн генеральнăй директорне Николай Аливанова, акă, Раççей Федерацийĕн Ял хуçалăх министерствин Хисеп грамотипе чысланă. «Вăрнарти аш-какай комбиначĕ» тулли мар яваплă общество директорĕ Владислав Попов «Производительность труда» нацпроекта хутшăннăшăн Чăваш Республикин промышленность тата энергетика министрĕн Тав çырăвне тивĕçнĕ.

Çĕнĕ çул умĕн предприятире 2024 çулхи ĕç кăтартăвĕсем тăрăх чи лайăх ĕçченсене чысланă. Вĕсене тĕрлĕ номинацире хавхалантарнă. «Чи лайăх цех ĕçченĕ» ята вуниккĕн тивĕçнĕ: Татьяна Лапташкина ?çурма фабрикатсен цехĕ%, Андрей Антонов ?обвалка цехĕ%, Ольга Васильева ?производствăпа ветеринари асăрхавĕн пайĕ%, Дмитрий Степанов ?холодильник цехĕ%, Людмила Никифорова ?выльăх пусакан пай%, Николай Безруков ?механика пайĕ%, Александр Данилов ?автотрактор цехĕ%, Наталья Иванова ?хатĕр продукцисен склачĕ%, Марина Петрова ?кăлпассипе деликатес изделийĕсен цехĕ%, Светлана Золова ?пекарня%, Сергей Владимиров ?котельнăй%, Виталий Терентьев ?юсавпа строительство цехĕ%.

«Офисри чи лайăх ĕçчен» ята Кристина Степанова кассира панă.

«Чи лайăх çамрăк специалистсем» - Иван Андреев тĕп механик тата Анастасия Дмитриева цех мастерĕ.

Тасатакан сооруженисен операторне Владимир Львова ĕçе пысăк яваплăхпа пурнăçланăшăн Тав хучĕпе наградăланă.

Сысна ĕрчетекен комплексри «Чи лайăххи» ята тивĕçнисем: Александр Иванов тракторист, комбикорм цехĕн ĕçченĕ Юрий Григорьев, Елена Александрова техник-осеменатор, газ котельнăйĕн операторĕ Эдуард Семенов, Татьяна Толмасова сысна ĕрчетекен, Галина Андреева сысна пăхакан оператор, подразделени ертÿçи Иван Ермолаев, Надежда Андреева рабочи.

Выльăх-чĕрлĕх комплексĕпе: «Комбикорм цехĕн чи лайăх ĕçченĕ» - Сергей Николаев, «Чи лайăх çамрăк специалист» - Андрей Лачугин, «Чи лайăх водитель» - Владимир Николаев, «Чи лайăх тракторист» - Андрей Семенов, «Чи лайăх животновод» - Василиса Ильина, «Ĕнесене машинăпа сăвакан чи лайăх операторсем» - Дина Нилова тата Надежда Денисова.

Предприяти ĕçченĕсене «Çĕнтерÿ çулĕн» коллективĕ те саламлать. Çĕнĕ çулта та хăватсене чакармасăр тăрăшма сунать.

Светлана ЧИКМЯКОВА