Вăрнарти хутăш препаратсен завочĕн продукцийĕ тĕнче рынокĕсене çирĕппĕн кĕрсе пырать

СНГ тата аякри çĕршывсем валли «Август» Фирмăн Вăрнарти филиалĕ ÿсентăрансене хÿтĕлекен 98 тонна препарат туса кăларнă. Ку вăл - январьти производство калăпăшĕн 7 проценчĕпе танлашать.

Ют çĕршыв аграрийĕсем ял хуçалăх культурисене сиенлекен хурт-кăпшанкăпа тата чирсемпе кĕрешекен препаратсене ытларах ыйтаççĕ.

2025 çулта чи аякка ăсатнă точка - Тунис. Завод ку çĕршыва культурăсене хурт-кăпшанкăран хÿтĕлекен «Брейк», чирсенчен сыхлакан «Раек» тата çумкурăкпа кĕрешекен «Бомба» препаратсене çитернĕ.

Поставкăсем çавăн пекех Египета, Азербайджана, Молдовине, Армение тата Узбекистана пулмалла. Предприяти ку çĕршывсем валли продукцие туса кăларнă ĕнтĕ.