Студентсемшĕн те кăсăклă

Категория: ПУБЛИКАЦИИ Опубликовано: 08.02.2025, 11:36 Просмотров: 117

Ятарлă проекта малалла тăсса, финанс пĕлĕвĕ парассипе онлайн-уроксен çуркуннехи тапхăрĕ пуçланчĕ. Ачасемпе çамрăксене укçа-тенкĕпе çыхăннă ыйтусене ăнлантаракан уроксене Раççей Тĕп банкĕ ирттерет.

Вăрнарти ял хуçалăх техникумĕн студенчĕсем те ку программăн чи хастар участникĕсем. Людмила Корнилова преподаватель пуçарнипе вĕсем ку вĕренÿ платформипе çыхăнса финанссем тĕлĕшпе теори пĕлĕвне те илеççĕ, практика ĕçне те пурнăçлаççĕ.

Занятисен тĕп тĕллевĕ - çамрăксене финанс ăслăлăхĕпе кăсăкланма хавхалантарасси. Шăпах çĕнĕлле, ачасен паянхи шухăш-кăмăлне шута илсе, йĕркеленĕрен ĕнтĕ вĕсем вĕренекенсемшĕн питĕ интереслĕ. Студентсем укçа-тенкĕпе тĕрĕс усă курма хăнăхаççĕ, чи кирлĕ финанс ăнлавĕсене ăса хываççĕ, финанс продукчĕсемпе тата тивĕçтерĕвĕсемпе паллашаççĕ, çавăн пекех хăрушлăхсем çинчен те пĕлеççĕ.

Онлайн-уроксен усси пысăк. Вĕсене хутшăнакан студентсен финанс сферинчи хăнăхăвĕсем анлăланни, апла пулсан хальхи саманари улшăнусене ытларах хатĕрри курăнать. Ку пĕлÿ çамрăксене малашлăхра ăнăçлă ĕç хутшăнăвĕсене йĕркелеме, хăйсен укçи-тенкине инфляци хăрушлăхĕнчен хÿтĕлеме, тухăçлă бизнес-плансене хатĕрлесе пурнăçа кĕртме те пулăшĕ.

Ирина ЯКОВЛЕВА

Добавить комментарий

АРХИВ МАТЕРИАЛОВ

Апрель 2025
Пн Вт Ср Чт Пт Сб Вс
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

КАЛЕНДАРЬ ПРАЗДНИКОВ

Яндекс.Метрика