Кăçал паллă çул - Çĕнтерÿ тата патриотизм çулталăкĕ.

Совет халăхĕ Аслă Çĕнтерĕве çывхартнăранпа 80 çул çитет. Чăваш кĕнеке издательствинче çак паллă событие халалласа «Чăваш çыравçисем – фронтра. Чувашские писатели – на фронте» кăларăмăн пĕрремĕш кĕнеки кун çути курнă.

Кĕнекене Аслă Çĕнтерĕве çывхартма пулăшнă калем ăстисене кĕртнĕ. Кăларăм вĕсен пурнăçĕпе тата пултарулăхĕпе паллаштарать, унта вăрçă темипе çырнă хайлавсене кĕртме тăрăшнă. Пĕрремĕш кĕнекере поэзи тата проза жанрĕпе хайланă произведенисене вулама пулать.