Тен, уйрăлмалла мар, тен, çемье ăшшине сыхласа хăварма май пур - сĕнеççĕ яланах заявлени çырма килнĕ упăшкипе арăмне ЗАГС ĕçченĕсем.

Чăн та, нумай мăшăр çемье пурнăçĕн пĕр-пĕр тапхăрĕнче йывăр лару-тăрăва кĕрсе ÿкме пултарать. Ытларахăшĕ хăйсем тĕллĕн унтан мĕнле тухмаллине пĕлмеççĕ. Çавăнпа та кăткăс вăхăтра вĕсемпе юнашар пулăшма пултаракан, сĕнÿ паракан çын пулни çемьене арканассинчен çăлса хăвараять.

Ку шухăшпа ĕнтĕ республикăн ЗАГС органĕсенче «Яланлăх пĕрле - çемье пурнăçĕн тĕп тĕллевĕ» проект пурнăçа кĕрет. Ун йĕркипе мăшăрсем çемье психологĕн пулăшăвне илме пултараççĕ. Уçă калаçусенче специалистсем вĕсене килĕшÿллĕ хутшăнусене мĕнле йĕркелемеллине, йăлари йывăрлăхсене епле çĕнтермеллине, хирĕçÿллĕ самантсенчен мĕнле тухмаллине ăнлантараççĕ тата ытти нумай усăллă сĕнÿсем параççĕ.

Асăрхаттару ĕçĕ лайăх результатсем пани сисĕнет. 2024 çулта, акă, 144 мăшăр хăйсен уйрăлас шухăшне ылмаштарнă - çемйисене сыхласа хăварма пултарнă.

Ирина ЯКОВЛЕВА