Чăваш ен Пуçлăхĕн указĕпе «Агрохмель» агрофирмăн тракторисчĕ Анатолий Аверкин нумай çул тÿрĕ кăмăлпа вăй хунăшăн «Чăваш Республикин ял хуçалăхĕн тава тивĕçлĕ ĕçченĕ» хисеплĕ ята тивĕçнĕ.
- Çуркуннерен пуçласа хура кĕркуннечченех хирте ĕçлет. Çĕр сухалать, минерал удобренийĕсем сапать, тырă акать, çĕрулми лартать, калчасене чир-чĕрпе сиен кÿрекенсенчен сирпĕтет. Вăл çÿрекен техника яланах йĕркеллĕ, – çапла калаççĕ ĕçтешĕсем.
Хастар механизаторăн ĕç стажĕ - 32 çул. Çав шутра ку предприятире 17 çул тăрăшать. Ăна трактор, сеялка, çĕрулми кăлармалли комбайн, опрыскиватель тата ытти техника шанса панă.
2024 çулта маттур ĕçчен 500 га тĕштырă, 200 га рапс акнă, 60 га çĕрулми лартнă.
Апрель 2025 |