Çирĕп сывлăх пултăр тесен...

Категория: ПУБЛИКАЦИИ Опубликовано: 11.02.2025, 13:13 Просмотров: 110

Нарăс уйăхĕн 11-мĕшĕ - чирлĕ çынсен пĕтĕм тĕнчери кунĕ. Ун тĕллевĕ - чирлисен ыйтăвĕсене тимлĕхе илесси, тĕрлĕ чирпе асапланакансене пулăшасси, медицина тĕрĕслевĕсем витĕр вăхăтра тухмаллине асилтересси.

Ăна нарăс уйăхĕн 11-мĕшĕнче паллă туни ăнсăртран мар. Шăпах çак кун 1858 çулта Францири Лурд хулинче Туррăн Таса Амăшĕ курăннă тенĕ. Вăл асапланакансен, чирлĕ çынсен управçи шутланать. Лурдра Туррăн Таса Амăшĕ курăннă чухне чирлĕ çынсем сывалнине нумайăшĕ çирĕплетнĕ.

Çак кунпа çыхăннă мероприятисене тухтăрсем, пациентсем, ырăлăх организацийĕсен активисчĕсем, медицина факультетĕнче тăрăшакан преподавательсем, студентсем хутшăнаççĕ. Чиркÿсенче литургисем иртеççĕ.

Пирĕн пурнăçра чи кирли вăл - сывлăх. Ваттисем калашле, ăна нимĕнле укçапа та туянаймăн, пурлăх парса та сутăн илеймĕн. Ахальтен мар ĕнтĕ çуралнă кунпа, юбилейпе е тата ытти пĕлтерĕшлĕ датăсемпе пĕр-пĕрне саламланă чухне чи малтан çирĕп сывлăх, иксĕлми вăй-хăват сунаççĕ.

Чирлĕ çынсене тимлĕх ытларах кирлĕ. Пациентсемпе ăшă кăмăллă, тарават пулни вĕсен ĕмĕрне тăсма пулăшать.

Донор кунĕсене, волонтер юхăмне хутшăнса пархатарлă ĕçсем тума тăрăшмалла.

Сыхланасси сипленессинчен чылай ансатрах. Сывă пурнăç йĕркине тытса пымалла.

Çак ансат сĕнÿсене пăхăнсан аван: тĕрĕс апатланмалла, рациона улма- çырлапа, пахчаçимĕçпе, пулăпа пуянлатмалла, çуллă мар аш çимелле, таса шыв кирлĕ чухлĕ ĕçмелле, уçă сывлăшра çÿремелле, сиенлĕ йăласенчен пăрăнмалла, стреслă лару-тăруран тухма пĕлмелле.

Хăвăра тата çывăх çыннăрсене упрăр. Профилактика тĕрĕслевĕсем, диспансеризаци витĕр вăхăтра тухма ан манăр!

Ирина ИРБИТСКАЯ,

Вăрнар тĕп больницин медицина профилактикин кабинечĕн медсестри

Добавить комментарий

АРХИВ МАТЕРИАЛОВ

Апрель 2025
Пн Вт Ср Чт Пт Сб Вс
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

КАЛЕНДАРЬ ПРАЗДНИКОВ

Яндекс.Метрика