Республикăра сунар правилисене пăснă тĕслĕхсем унчченхинчен сахалрах пулнă. Çакă йĕркелĕхе тивĕçтерес ĕçе вăйлатнин кăтартăвĕ, палăртнă чĕрчунсен тĕнчин сыхлавĕ енĕпе тимлекен дирекцин ĕç-хĕлне пĕтĕмлетнĕ май.

Сăмах май, учреждени инспекторĕсем 2024 çулта 2300 рейд ирттернĕ. Ку тĕрĕслевсем вăхăтĕнче административлă йĕркене пăснă 44 тĕслĕхе тупса палăртнă. Виçĕмçул вара вĕсем 95 пулнă.

Инспекторсем пĕтĕмлетнĕ тăрăх, палăртнă тĕслĕхсенчен чи анлă сарăлни - сунар вăхăтĕнче кирлĕ документсем пулманни. Сунар йĕркине пăснине ытларах тупнă территорисен хушшинче Вăрнар тăрăхĕ те пур. Çавăн пекех Шупашкар, Вăрмар, Хĕрлĕ Чутай, Елчĕк округĕсенче те правилăсене пăхăнманнисем пуринчен нумай пулнă.

Хамăр инф.