Вăрман Кипек шкулĕ - спорт вучахĕ

Категория: ПУБЛИКАЦИИ Опубликовано: 15.02.2025, 13:18 Просмотров: 78

Юлашки вунă çулта Вăрман Кипек шкулĕ волейбол центрĕ пулса тăчĕ темелле. Ытти ялсенчи - Туçи Çармăсри, Пăваялĕнчи, Мăн Явăшри, Санарпуçĕнчи - çамрăксемпе аслисем çăмăл машинăсемпе спорт вăййинче вăй-хала пиçĕхтерме васкаççĕ.

Канаш округĕнчи Ямашри çамрăксем физкультура учителĕпе Владимир Петровпа пĕрле ку яла сукмак хывнă. Çĕрпел, Хурăнсур Çармăс, Хирпуç, Уравăш ялĕсенчен те кунта çÿреме кăмăл тăваççĕ. Кашни эрнере виçĕ кунра виçĕ командăна яхăн пухăнать.

2024 çулхи декабрь уйăхĕнче округ первенствинче 3-мĕш вырăна тивĕçрĕç. Кăçалхи январь уйăхĕнчи турнирта Кубок çĕнсе илчĕç. Юлашки çулсенче Чечня, Украина паттăрĕсене асăнса турнирсем йĕркелеççĕ. Хальхинче 2001 çулта Чечняра пуçне хунă Александр Кудрявцев ячĕпе ăмăрту иртнĕ. Мероприятие Вăрман Кипек администрацийĕн пуçлăхĕ Александр Петров тата вырăнти физкультура учителĕ Валерий Федоров тăрăшнипе йĕркеленĕччĕ. В.Федоров ялти çамрăксене, ватăсене спортзала пуçтарать. Юрий Ананьев, Герман Иванов, Федор Павлов, Виталий Алексеев хастарсем. Юрий Ананьев вĕсене микроавтобуспа Шăхасанти, Йĕпреçри, Вăрнарти спорткомплекссене çитерет.

В.Федоров Вăрман Кипекре 37 çул тăрăшать. 1988 çулта Канашри педучилищĕрен, 1994 çулта Чăваш патшалăх педуниверситетĕнчен вĕренсе тухнă. Кĕçĕн Кипекри физкультура учителĕ С.И.Марков эрнере виçĕ кун çăмăл машинипе Туçи Çармăсри волейболистсене Вăрман Кипеке çитерет.

Аслă Çĕнтерÿ тунăранпа 80 çул çитнĕ май февралĕн 23-мĕшĕнче Вăрман Кипекре турнир ирттерме палăртнă. Александр Васильев предприниматель, Вадим Чикмяков фермер çулсерен спонсорла пулăшу параççĕ. Çак йĕркесене çыракан автор та волейболист пулнă май тренировкăсене çÿрет, турнирсене хутшăнать.

ЯНСАРИН

Добавить комментарий

АРХИВ МАТЕРИАЛОВ

Апрель 2025
Пн Вт Ср Чт Пт Сб Вс
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

КАЛЕНДАРЬ ПРАЗДНИКОВ

Яндекс.Метрика