Хамăр ентешĕмĕрсем, Тăван çĕршывăн Аслă вăрçин çулĕсенче çапăçнă паттăрсем, çинчен малалла каласа паратпăр. Пирĕн çĕнĕ рубрикăн геройĕ - Иван Михайлович Михайлов.

Паттăр 1923 çулта Катăш ялĕнче çуралнă. 1942 çулта Калинино шкулĕнче 9 класс пĕтернĕ хыççăн унăн фронта кайма ят тухнă. 6-мĕш Кутузов полкĕн, 219-мĕш авиаци дивизийĕн ертÿçи пулнă. Ленинград фронтĕнче çапăçнă, Сталинграда ирĕке кăларассишĕн вут-çулăм витĕр тухма тивнĕ. Вăрçăран кĕçĕн лейтенант званийĕпе таврăннă.

Хĕрлĕ Çăлтăр, 1 степень Тăван çĕршывăн Аслă вăрçин орденĕсемпе, «Сталинграда хÿтĕленĕшĕн», «Хăюлăхшăн», «Прагăна ирĕке кăларнăшăн», «Берлина илнĕшĕн», «Германие çĕнтернĕшĕн» медальсемпе наградăланă. Вăрçă хыççăн Калинино шкулĕн учителĕнче ĕçленĕ.