Канмалли кунсенче республикăра йĕлтĕр спорчĕн ăмăртăвĕсем иртнĕ. Унта пирĕн округ командисем лайăх результатсем кăтартнă.

Полиатлон, йĕлтĕр чупăвĕпе тĕрлĕ енлĕ кĕрешессипе йĕркеленĕ Чăваш ен чемпионачĕпе первенствинче вăрнарсем ултă медаль çĕнсе илнĕ.

Команда çитĕнĕвне Галина Павлова, Тамара Смирнова тата Роман Петров ылтăн медальсем кÿнĕ. Даниил Тикиневпа Никита Семенов 2-мĕш вырăн йышăннă. Николай Созоновăн бронза медаль.

Çавăн пекех ентешсен тепĕр ушкăнĕ йĕлтĕрпе чупассипе Чăваш Республикин чемпионатĕнче ăмăртнă. Спортсменсен классика стилĕпе 10 км, ирĕклĕ стильпе 15 км чупма тивнĕ.

Округ чысне Татьяна Белова, Эльвира Чугунова, Ирина Кочкина, Ирина Петрова, Лея Николаева, Владимир Тикинев тата Александр Кочкин хÿтĕленĕ. Пĕтĕмĕшле зачетра вĕсем командăпа 3-мĕш вырăн йышăннă.

Уйрăм зачетра Татьяна Белова икĕ «бронза» çĕнсе илнĕ. Лея Николаева - кĕмĕл медаль.

Светлана ЧИКМЯКОВА