РФ Патшалăх Канашĕн депутачĕ Алла Салаева Вăрнар округĕнчи ентешсен ыйтăвĕсене татса панине пĕлтернĕ.

«Ятарлă çар операцийĕн участникĕн амăшĕ ывăлне пĕр хутчен кÿрекен хавхалантару тÿлевне илме пулăшма ыйтрĕ, мĕншĕн тесен салтака Хăюлăх орденĕпе наградăланă. Ывăлĕ патне тÿлев çитмен. Паллах, ун пекки пулмалла мар. Депутат ыйтăвне Раççей Оборона министерствине ятăм. Социаллă гарантисен департаменчĕ тăрăшнине пула çар çынни патне тивĕçлĕ тÿлев февралĕн 7-мĕшĕнче çитнĕ.

СВО участникĕн ыйтăвне те татса пама май килчĕ. Акă, пĕр боец çар задачисене «Ахмат», «Барс-8», «Барс-12» доброволецсен пĕрлешĕвĕсен йышĕнче пурнăçланă. Анчах та çар ĕçĕсен ветеранĕн удостоверенине илеймен.

«Ыйтăва Чăваш Республикин çар комиссариачĕпе сÿтсе яврăмăр. Çар ĕçĕсен ветеранĕн удостоверенине хатĕрлесе хуçи патне çитернĕ», - пĕлтернĕ Алла Салаева хăйĕн Телеграм-каналĕнче.

Елена ТОЛСТОВА