Çырăва хаклаççĕ

Категория: ПУБЛИКАЦИИ Опубликовано: 08.02.2025, 14:41 Просмотров: 109

Надежда НИКАНДРОВА, Вăрнар округĕн пуçлăхĕ:

- Чăваш ен Пуçлăхĕ Олег Николаев ЧР Патшалăх Канашне янă Çырăвĕ – пуян содержаниллĕ тата тĕрлĕ планлă документ. Унта иртнĕ çулсенчи тĕрлĕ енлĕ ĕçсене пĕтĕмлетнĕ тата малашнехи тĕллевсене палăртнă.

Чăваш ен Пуçлăхĕ пĕтĕм ĕç-хĕл сферине хускатрĕ.

Аграри секторне аталантарасси çинчен каланă май, вăл республикăн агропромышленность комплексĕ юлашки çулсенче çирĕп ÿсĕмсем тунине, кăтартăвĕсем курăмлă пулнине палăртрĕ. Пирĕн округ та ял хуçалăх секторне пысăк тÿпе хывать. Çывăх вăхăтра округра хăмла ĕрчетес ĕçе аталантарасси çине пысăк тимлĕх уйăрăпăр, «Хăмла çитĕнтересси тата тирпейлесси» проекта ĕçе кĕртĕпĕр.

Культура сферине асăннă май, республика Пуçлăхĕ кашни округра модельлĕ библиотекăсем пулмаллине палăртрĕ. Пирĕн округра кăçал Çĕньял Хапăс ялĕнче модельлĕ библиотека пулĕ. Хальлĕхе вĕсем Вăрнарта тата Çĕрпелте ĕçлеççĕ.

Чăваш ен Пуçлăхĕ çавăн пекех Республика кунне халалланă мероприятисем иртекен муниципаллă округа территорине хăтлăх кĕртме 20 миллион тенкĕ уйăрасси çинчен каларĕ. Çавăн пекех вăрçă ачисене 5 пин тенкĕ таран, çапăçусен инваличĕсене пĕр хут паракан тÿлевсене 2 хут ÿстернĕ. Çамрăксен политикин сферинче грант виçине 100 пинрен пуçласа 200 пин тенкĕ таран çитернĕ.

Добавить комментарий

АРХИВ МАТЕРИАЛОВ

Апрель 2025
Пн Вт Ср Чт Пт Сб Вс
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

КАЛЕНДАРЬ ПРАЗДНИКОВ

Яндекс.Метрика