Кашнине тимлĕхе илме тăрăшаççĕ

Категория: ПУБЛИКАЦИИ Опубликовано: 29.03.2025, 19:27 Просмотров: 74

Чăваш ен Пуçлăхĕн Олег Николаевăн хушăвĕсене пурнăçласа, ятарлă çар операцине хутшăнакансен çывăх çыннисемпе тăванĕсене тимлĕхе илесси тĕпре. Вĕсем кăткăс тапхăрта пĕччен юлмалла мар, кирек мĕнле ыйту пулсан та пуренлĕ пулăшăва тивĕçмелле.

Салтаксен çемйисене хÿтлĕхе илес тĕллевпе ĕнтĕ вĕсен социаллă паспорчĕсене йĕркелес ĕç малалла пырать. Вăрнарти халăха социаллă тивĕçтерÿсем кÿрекен центр сотрудникĕсем те ку енĕпе активлă тăрăшаççĕ. Документсен пуххине ятарлă çар операцине контракт, хăй ирĕкĕпе е мобилизаци майĕпе хутшăннине пăхмасăрах кашнин тĕлĕшпе хатĕрлеççĕ. Каласа хăвармалла, социаллă паспорт - çар çыннисем тата унăн çемйи, вĕсем илме пултаракан пулăшу мерисем, çăмăллăхсемпе тÿлевсем пирки информацие пĕрлештерекен документ. Ăна шăпах та СВО участникĕн çемйин мĕнле проблемăсем пуррине пĕлсе тăма, çивĕч ыйтусене хăвăрт татса пама пухаççĕ. Социаллă паспорта тултарма çемьесен Вăрнарти халăха социаллă тивĕçтерÿсем кÿрекен центра килмелле.

Уйрăм тимлĕхре - çар çыннисен ачаллă çемйисем тата аслă çулсенчи тăванĕсем. Специалистсен пулăшăвĕ шутĕнче вĕсене консультаци парасси кăна мар, кăткăс ыйтусене татса пама профильлĕ службăсене явăçтарасси те. Ку енĕпе «Защитники Отечества» патшалăх фончĕн Вăрнар округĕнчи представительствипе те тачă çыхăнура. Çав шутра - информаципе ылмашăнассипе те, пулăшу кÿрес тĕлĕшпе те. СВО участникĕсен çывăх çыннисене пухса уйăхсеренех çавра сĕтелсем ирттересси те йăлара. Кунашкал тĕлпулусем çемьесен кулленхи пурнăçĕнчи йывăрлăхсене пĕлме, вĕсене вара хăйсене хÿтлĕхре туйма май параççĕ.

Тепĕр çăмăллăх тĕсĕ пирки те каласа хăвармалла. Вăрнарти центр ятарлă çар операцине хутшăнакансене тата вĕсен çемйинчи çынсене Чăваш ен Сывлăх сыхлавĕн министерствин сиплев учрежденийĕсене çитме пулăшма пултарать. Çакна валли автотранспорт уйăрма пултараççĕ.

Ирина ПЕТРОВА

Добавить комментарий

АРХИВ МАТЕРИАЛОВ

Апрель 2025
Пн Вт Ср Чт Пт Сб Вс
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

КАЛЕНДАРЬ ПРАЗДНИКОВ

сегодня
Яндекс.Метрика