Çул-йĕр ыйтăвĕ яланах кăткăссисенчен пĕри. Пысăк трассăсене те, вырăнти çулсене те çĕнетес, нормативлă йĕркере тытса тăрас тĕллевпе сахал мар ĕç пурнăçланать. Анчах, куратпăр, транспорт хатĕрĕсен юхăмĕ пысăк, çутçанталăк условийĕсем те тĕрлĕрен. Çулсем аркансах тăраççĕ, ытларах та ытларах тимлĕх ыйтаççĕ.

Çуркунне, ак, хамăр тăрăхра та юр кайса пĕтнĕ-пĕтмен шăтăк-путăксем илемсĕррĕн куçа тăрăнма пуçларĕç. Паллах, çакăнпа автоводительсем те, çуран çÿрекенсем те самаях кăмăлсăрланни вăрттăнлăх мар. «Ершепуçĕнче тата çул кукри çывăхĕнче çула хăçан йĕркене кĕртĕç-ши/ Кунта нимле те иртсе çÿреме май çук. Яндекс-картта та, ав, ку участокпа маршрут хывмасть», - пăшăрханса пĕлтерчĕç çынсем.

Подряд организацийĕ - «ДорТех» общество - пĕлтернĕ тăрăх, çак участокра шăтăк-путăксене тултарса юсав ирттермелле. Унсăр пуçне, хальхи вăхăтра М-12 трассăн строительствинче усă курнă çул участокĕсене çĕнетме федераллă бюджетран укçа-тенкĕ уйăрас майсене пăхса тухаççĕ. Федераци шайĕнче финанссемпе тивĕçтересси çинчен йышăну пулсан, асăннă участоксене кăçал чи малтан контрактсене кĕртме пăхнă.

2025-2026 çулсенче автомобиль çулĕсен хăтлăх шайне ÿстерессипе те мероприятисем пурнăçлама палăртаççĕ. Уйрăммăн илсен - Калинино-Патăрьел-Елчĕк автоçулăн 20Ç991 км тата 24Ç757 км ?автобус чарăнăвĕсем%, 26Ç374 - 27Ç783 км ?Ершепуç% участокĕсенче искусствăлла çутăпа тивĕçтерессине тата тротуарсем йĕркелессине.