Чи малтанах юн пусăмне виçмелле. Пысăк пулсан чĕре таппи çавăнпа хăвăртланнă ĕнтĕ. Хамăра епле пулăшмалла-ха/

Пĕр стакан сивĕрех шыв ĕçмелле.

Пите, мăя тата кăкăра сивĕ шывпа йĕпетнĕ алшăллипе сăтăрмалла.

Вырăн çине выртса май пур таран ÿт-пĕве лăштăр ямалла.

Тахикарди приступĕ стресс тÿснипе çыхăннă пулсан лăпланма пулăшакан препарат ĕçмелле.

Хăвăрăн рациона омега-3 çу кислотисем пур çимĕçсемпе пуянлатмалла: пулăпа, тинĕс çимĕçĕсемпе.

Организмра кали çитмесен те чĕре хăвăрт тапма пултарать. Медицина тĕрĕслевĕ хыççăн тухтăр ку микроэлемента ĕçмешкĕн çырса парать.

Чĕре хăвăрт тапнинчен валериан курăкĕ, чĕре курăкĕ ?пустырник%, катăркас ?боярышник% тата пион настойĕ пулăшаççĕ.

Сăмах май, чĕре хăвăрт тапни гипертони чухне кăна пулмасть, гипотони те ?юн пусăмĕ пĕчĕкки% çавнах пуçарать.