Ыран чи çутă та пысăк уявсенчен пĕр-не - Мăнкуна - уявлатпăр. Унпа çыхăннă йăла-йĕркесем халĕ ялсенче сыхланса юлнă-ши/ Пирĕн мăн асаттесем çак уява мĕнле паллă тунă/

Авалхи чăвашсен календарĕпе Çĕнĕ çула çуркунне кĕтсе илнĕ. Ăна Мăнкунра уявланă. Праçник юнкунран пуçласа пĕр эрне таран тăсăлнă. Ăна тĕплĕн хатĕрленнĕ, пÿрт-çурта çуса тасатнă, кăмака шуратнă, кил-картишĕнче тата урамра çÿп-çап пуçтарса тирпей-илем кÿнĕ, техĕмлĕ сăра вĕретсе йÿçме лартнă. Уяв кунĕ умĕн мунча хутса çăвăннă. Каçпа ял тăвайккинче çамрăксем кăвайт чĕртсе çунтарнă. Ирпе-ирех ватти те, вĕтти те Мăнкуна уявлама çĕнĕ кĕпе-йĕм тăхăннă. Арçын ачасем ял пуçне хĕвел тухнине кĕтсе илме васканă. Çак кун хĕвел те ташласа тухать тесе каланă. Хĕрарăмсем кăмака умĕнче хуплу, хăпарту, чăкăт, икерч, йăва пĕçернĕ, çăмарта хĕретнĕ, тулăх сĕтел пуçтарнă.

Тĕплĕнрех хаçатра

Хамăр инф.