Раççей Президенчĕн указĕпе килĕшÿллĕн, Социаллă фондăн Чăваш енри уйрăмĕ Тăван çĕршывăн Аслă вăрçинче Çĕнтерÿ тунăранпа 80 çул çитнине халалласа вăрçă участникĕсемпе инваличĕсене, вĕсем вилнĕ пулсан мăшăрĕсене тата «Жителю блокадного Ленинграда», «Житель осажденного Севастополя», «Житель осажденного Сталинграда» паллăсемпе наградăланă граждансене пĕр хутчен паракан тÿлеве çирĕплетнĕ. Çак категорири тата концлагерьсен çула çитмен узникĕсем пулнă ветерансене 80 пин тенкĕ, тыл ĕçченĕсене 55 пин тенкĕ тÿлеççĕ. Укçа-тенке апрельти пенсипе пĕрле республикăра пурăнакан 2696 çын илĕ. Унсăр пуçне Тăван çĕршывăн Аслă вăрçин участникĕсемпе инваличĕсен йышне кĕрекен 46 гражданин Çĕнтерÿ кунне халалланă кашни çулах паракан 10 пин тенке те тивĕçĕ.

Хамăр инф.