Социаллă фондăн Чăваш енри уйрăмĕ çар службине призывпа тата мобилизаци йĕркипе тăнă граждансен çемйисене тĕрлĕ социаллă пособисемпе тивĕçтерет. Вĕсен шутне çаксем кĕреççĕ:

призывпа службăра тăракан çар çыннин çие пур мăшăрне пĕр хутчен тÿлекен пособи, ун виçи 42665 тенкĕ*

призывпа службăра тăракан çар çыннин ачишĕн кашни уйăхра тÿлекен пособи. Ăна ача виçĕ çул тултариччен тÿлеççĕ, анчах ашшĕ çар службинче тăнă вăхăтра çеç. Тÿлев виçи 18285 тенкĕпе танлашать. Укçа-тенке илме служба вĕçленсен 6 уйăхран кая мар çырмалла.

Ку пособисене йĕркеленĕ чухне çемьен тупăшне тата илсе тăракан ытти пособисене шута илмеççĕ.

Мобилизаципе çар службинче тăракансен çемйисене пĕрлĕхлĕ пособипе ?ачасемшĕн тата çие пур хĕрарăмсене% ансат йĕркепе тивĕçтереççĕ, тупăша пăхмаççĕ. Ăна 6 уйăхлăха палăртаççĕ. Срок тухсан тепĕр хут тăсма май пур.

Заявленисене Социаллă фондăн уйрăмĕн клиент службинче, нумай функциллĕ центрта е Патшалăх тивĕçтерĕвĕсен порталĕнче памалла.