Чăваш Республикин Пуçлăхĕн Олег Николаевăн хушăвĕпе Çĕрпÿ округĕнче выльăх урнинчен сыхланмалли карантин йĕркине вăя кĕртнĕ.

Карантин утă уйăхĕн 16-мĕшĕнче пуçланнă. Çĕрпÿ тăрăхĕнчи пĕр сад юлташлăхĕнчен илсе килнĕ тилле тĕрĕсленĕ май унăн асăннă вирус пулнине палăртнă. Чĕрчун чирлине республикăн ветеринари лабораторийĕн тĕпчевĕ те çирĕплетнĕ. Халĕ ветеринари специалисчĕсем инфекци чирĕн çăлкуçне тĕп тăвас енĕпе мерăсем йышăнаççĕ. Хăрушлăх пур территорире ярмăрккăсем, суту-илÿ, чĕрчунсем, выльăх пухăнассипе çыхăннă мероприятисем ирттерме чарнă.